Хампаанньа I–IV кылаас кутталлаах бөҕү кытта үлэлиир кыахтаах лисиэнсийэтин толору сөпкө туһанарын дакаастаата.
«РНГ» АУо докумуоҥҥа уонна лисиэнсийэ бэрэбиэркэтин ситиһиилээхтик ааста, I–IV кылаас кутталлаах бөҕү таһыыга, утилизациялааһыҥҥа, киһи доруобуйатыгар куттала суох гына харайыыга, хомуйааһыҥҥа ыытар үлэтэ толору лицензионнай ирдэбилгэ эппиэттиирин бигэргэттэ.
Хампаанньа Саха Өрөспүүбүлүкэтин Мииринэй оройуонугар кииннээн үлэлиир айылҕа пааркатын олохтоохторугар 3 туонна сибиэһэйдии тоҥмут минтай балыгы биэрдэ.
Маны сэргэ сотору кэминэн «Живые алмазы Якутии» пааркаҕа көмө быһыытынан 3 туонна уматык бэриллиэҕэ.
Тэрилтэ салалтата «РНГ» АУо-ҕа кыыллары иитиигэ көмөлөрүн иһин махталын биллэрдэ.
Убаастабыллаах коллегалар, партнердар, доҕоттор!
Ис сүрэхпиттэн эһигини сомоҕолоһуу күнүнэн эҕэрдэлиибин!
Тус бэйэҕитигэр уонна дьиэ кэргэҥҥитигэр доруобуйаны, дьолу, ситиһиилэри баҕарабын!
Хампаанньа Саха Өрөспүүбүлүкэтин Ботуобуйа нэһилиэгин кытта дуогабар түһэрсэн нэһилиэккэ суотабай сибээс өҥөтө тупсарыгар, мобильнай интернет тохтоло суох үрдүк хаачыстыбалаахтык үлэлииригэр болҕомто ууруохтара.
«РНГ» АУо салайааччытыгар Ботуобуйа нэһилиэгин баһылыга көмөҕө наадыйарын биллэрэн, бу нэһилиэк бүгүҥҥэ күҥҥэ сытыы кыһалҕата буоларын этэр. Хаачыстыбаннай сибээс суоҕа олох таһымын түһэрэр диэн сиһилии кэпсэтии ыытар.
Хампаанньа Саха Өрөспүүбүлүкэтин Мииринэй оройуонугар регионнааҕы техническэй колледж устудьуоннарыгар «Профессионал идущий» диэн квест ыытарга көмө буолла. Үөрэх тэрилтэтэ өрөспүүбүлүкэ колледжтарыттан биир бастакынан, Россияҕа орто үөрэхтээһин систиэмэтэ үбүлүөйдээх сылыгар анаммыт тэрээһиннэри ыытан саҕалаата.
IV норуоттар икки ардыларынааҕы библиографическэй конгресс «Аан дойду норуоттарын тылларын баайын уонна культурнай нэһилиэстибэлэрин харыстааһыҥҥа библиография оруола» тэрээһин Дьокуускай куоракка ыытылынна. Форумҥа Өрөспүүбүлүкэ киинигэр 900-тэн тахса кыттааччы 16 араас дойдуттан уонна Россия 85 регионуттан кэллилэр.
«РНГ» АУо бэрэстэбиитилистибэтин үлэһиттэрэ конгресс экспертнэй сессияларыгар төгүрүк остуолларга кыттыыны ыллылар.
70 саастаах Хампаанньа үлэһитэ Александр Меньшов «РНГ» АУо көҕүлээһининэн, кыайыы 80 сылыгар туһаайан Памир чыпчаалын дабайан үрдүк ситиһиилээх кэллэ. Төһө да уустуктар баар буолбуттарын иһин, Кыайыы Знамята уонна Хампаанньа былааҕа Корженевскай хайа өргөһүн саамай үрдүк чыпчаалыгар таҕыстылар.
Корженевскай хайа өргөһө – Таджикистан Памирскай хайаларыгар үрдүгүнэн тердүс миэстэҕэ сылдьар. Бу чыпчаалга тахсарга төһө да ыарахан түһүмэхтэрдээх буоллар, аан дойдуттан элбэх альпинист кэлэр.
Хампаанньа Саха Өрөспүүбүлүкэтин Мииринэй оройуонугар «Восточный склон – 2025» эндуро күрэхтэһиитин ыытарга харчы көрдө. Күрэхтэһиигэ 21 спортсмен Ленскэйтэн, Дьокуускайтан, Мииринэйтэн кыттыыны ыллылар.
Эндуро – мотоспорт көрүҥэр суола суох сиринэн айанныыр күрэхтэһии. Мотоциклистар 8 килэмиэтир уһуннаах, араас түһүүлэрдээх, тахсыылардаах, мастарынан, массыына көлөһөлөрүнэн, улахан таастарынан кутуллубут суолунан айанныыллар.
Мииринэй оройуонун дьаһалтата, муниципальнай тэриллиилэр, оройуон экологическэй сулууспалара, Орто Ботуобуйатааҕы ньиэп уонна гаас хостонор сир Илиҥҥи блогар, «РНГ» АУо экологическэй уонна производственнай эбийиэктэригэр сырыттылар.
Ыалдьыттар тирэх пууҥҥа, 1 №-дээх былассааккаҕа, уу хачайдыыр сиргэ уонна ньиэп хомуллар киин пуун үлэтин көрдүлэр. Тэрээһин кыттааччылара ньиэп хостооһунугар туттуллар аныгы, үрдүк таһымнаах технологияны уонна эбийиэктэргэ экологическэй, производственнэй куттал суох буолуутун хааччыйар үлэлэри үрдүктүк сыаналаатылар.
Убаастабыллаах коллегалар, партнердар, бар дьонум!
Ис сүрэхпиттэн эһигини ньиэп уонна гаас промышленноһын үлэһиттэрин күнүнэн итиитик-истиҥник эҕэрдэлиибин.
Үрдүк таһымнаах, уопсай сайдыы туһугар бэриниилээх үлэҕит иһин махталбын биллэрэбин. Эһиги сатабылгыт, үлэҕэ дьаныаргыт улахан убаастабылы ирдиир. Биһиги бииргэ күн ахсын хампаанньабыт сайдыытын туһугар туруулаһабыт.
«РНГ» АУо хамаандата саҥа үрдэллэри дабайан, иннибит диэки хардыылыырга бэлэммит.
Барыгытыгар кытаанах доруобуйаны, ситиһиини, эрчимнээх санааны баҕарабын!