Хампаанньа оҥорон таһаарар эбийиэктэригэр ХИФУ Мииринэйдээҕи филиалын "Нефтегазовое дело" салаатын бастакы кууруһун бүтэрбит устудьуоннар билсиһэр уонна үөрэнэр сыаллаах практика иитинэн экскурсияҕа сырыттылар.
Инникитин ньиэп уонна гаас эйгэтигэр үлэлиэхтээх устудьуоннар экскурсия кэмигэр идэлэригэр сыһыаннаах элбэх саҥаны биллилэр. Оҕолор сиртэн хостонор баайдаах сиргэ үлэ хайдах оҥоһулларын илэ харахтарынан көрдүлэр уонна олохтоох инфраструктура улахан мастаабын соһуйа көрдүлэр. Саҥа билии, уопут устудьуоннар инники идэлэрин үчүгэйдик өйдүүллэригэр, туох-хайдах оҥоһулларыгар өйдөбүл үөскүүрүгэр улахан көмөлөөх буолуоҕа. Ол барыта идэҕэ бэриниилээх исписэлиис буола үүнэллэригэр көмөлөһүөҕэ.
«РНГ» АУо республика5а ньиэп, гаас эйгэтигэр сыhыаннаах үрдүк уонна орто үөрэх кыһаларын устудьуоннарыгар бу курдук үлэни-хамнаһы көрдөрөр экскурсиялары, стажировкалары мэлдьи тэрийэр. Хампаанньа Саха сиригэр гаас эйгэтигэр сыһыаннаах республика үөрэҕин кыһаларыгар, үрдүк таһымнаах каадырдары бэлэмнээһиҥҥэ улахан болҕомтотун ууран үлэлиир.
