Хампаанньа Саха Өрөспүүбүлүкэтин Таас-Үрэх нэһилиэгэр эбии көмө оҥордо, фельдшерскай-акушерскай пуун тутуллуохтаах сирин бөҕөргөтөргө матырыйаалынан көмөлөстө.
«РНГ» АУо-ҕа эбии өйөбүл оҥорорго көмөлөһүн диэн көрдөһүүлээх Мииринэй оройуона уонна Мииринэй оройуонун киин балыыһата сибээскэ тахсыбыттара. Ол курдук, бу өрөбүллэргэ тутуу былассааккатыгар 300 кубометр кэриҥэ, ол аата 20 самосвал массыына, таас буору аҕалан куттулар.
Бу тутуу олоххо киириитэ Таас-Үрэх нэһилиэгэр социальнай инфраструктураны сайыннарыыга төһүү күүс буолуоҕа.
Санатабыт, «РНГ» АУо кулун тутар ыйга Таас-Үрэх олохтоохторугар эмиэ көмө оҥорбута. Онно хампаанньа модульнай полиция киинэ, фелдьшерскай-акушерскай пуун тутуутугар анаан 500 кубометр сири бөҕөргөтөр долерит матырыйаалы биэрбитэ уонна сиргэ тэҥнииргэ анал техниканан көмөлөспүтэ.
