«Экология – дело каждого» оҕо уонна ыччат норуоттар икки ардыларынааҕы бириэмийэ VI дьылын түмүктэрин таһаардылар. «РНГ» АУо номнуо 5-с сылын бу бырайыагы өйүүр.
Бириэмийэ Гран-при кыайыылааҕынан Ставропольскай кыраайтан оскуола үөрэнээччитэ Варвара Бобрышева буолла. Кини батарейкалары утилизициялааһын аныгы ньыматын дьүүлгэ таһаарда: куттала суох реагеннар көмөлөрүнэн батарейка эттиктэрэ марганецтаах туһалаах уоҕурдууга кубулуйаллар. Кыайыылаахтар уонна призердар испиэһэктэригэр Арассыыйа араас регионнарыттан, тас дойдулартан уопсайа 900-тэн тахса оҕо уонна улахан киһи киирэн тураллар.
«Экология – дело каждого» норуоттар икки ардыларынааҕы бириэмийэ оҕолорго, ыччакка уонна улахан дьоҥҥо тулалыыр эйгэҕэ, айылҕаҕа харыстабыллаах сыһыаны сайыннарыыга, экологическэй культураны өрө тутууга, эппиэтинэстээх буолууга туһуланар. «РНГ» АУо сыл ахсын тэрээһин партнерын быһыытынан көхтөөх кыттыыны ылар.
