Сонуннар

Мииринэйдээ5и техническэй  колледжка «Профессионалы–2025» Бүтүн Дойдутааҕы чемпионат регионнааҕы түһүмэҕэр устудьуоннар маастарыстыбаларын көрдүлэр.

Күрэхтэһиигэ икки идэ таһыма сыаналанна: «Добыча нефти и газа» уонна «Подготовка и транспортировка нефти». Маастарыстыбаларын Мииринэйдээҕи уонна Сунтаардааҕы техническэй колледж, Ленскэйдээҕи технологическэй техникум устудьуоннара көрдөрдүлэр. «Фабрика процессов полного цикла» диэн үөрэх полигонун базатыгар кинилэр араас модульлары оҥорон сорудахтары толордулар.

Хампаанньа Садын төрүт эбэҥки нэһилиэгин тыа хаһаайыстыбатын сирдэрин ыраастыырга оту-маһы илдьиритэр анал тиэхиникэни уларыста.

Көмө Саха Өрөспүүбүлүкэтин Мииринэй оройуонун баһылыга Александр Басыров "РНГ" АУо салалтатыттан көрдөһүүтүнэн оҥоһулунна.

Садын нэһилиэгин Сүлдьүкээр бөһүөлэгэ - хотугу аҕыйах ахсааннаах эбэҥки норуота түөлбэлээн олорор сирэ буолар. Олохтоох нэһилиэнньэ сүөһү-сылгы иитиитинэн дьарыктанар. Бүгүҥҥү күҥҥэ тыа хаһаайыстыбатын салаата сайдыытын атахтыыр биир сүрүн кыһалҕа - нэһилиэк сиригэр сүөһү аһын бэлэмнээһинэ.

Күндү кэрэ аҥардар!

Ис сүрэхтэн Аан дойду дьахталларын күнүнэн итии-истиҥ эҕэрдэтэ тутуҥ!

Эһиги Аан дойдуну кэрэнэн симиигит, ураты нарын иэйиинэн толороҕут, дьолу эрэ түстүүгүт.

Эһиэхэ сааскы үтүө настырыанньаны, үтүөнү, ситиһиини баҕарабыт! Олоххут хас биирдии түгэнэ тапталынан толору буоллун, сылаас иэйиинэн илгийдин, дьолунан туоллун!

Россиятааҕы экономическэй оскуола партнердарын түмэр тэрээһинигэр хампаанньа  «Россия үөрэхтээһинигэр уонна наукатын сайдыытыгар сүҥкэн кылаатын иһин» диэн үйэлээх бэлиэни тутта.

Хампаанньа «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестра Кыайыы 80 сылыгар анаммыт "Дороги Победы" фестивальга кыттыыны ылыытыгар өйөбүлү оҥордо.

Көмө «РНГ» АУо уонна Фабио Мастранджело музыкальнай искусство сайдыытын пуондатын кытары  бииргэ үлэлэһиитин докумуонугар олоҕуран оҥоһулунна.

Убаастабыллаах коллегалар, партнердар, бар дьонум!

Аҕа Дойдуну көмүскээччилэр күннэринэн эҕэрдэлиибин!

Кытаанах доруобуйаны, тус бэйэҕитигэр ситиһиини, табыллыыны баҕарабын!

Хампаанньа – тэрээһин көҕүлээччитэ уонна Генеральнай партнера. Саха Өрөспүүбүлүкэтин Үүнэр көлүөнэ тус сыаллаах пуондатын кытта бииргэ үлэлэһии чэрчитинэн холбоһуктаах бырайыак түмүгүнэн 100 бастыҥ учууталга бириэмийэ биэрэргэ үбүлээһин көрүллэр.

Сайаапкалары хомуйуу 2025 сыл кулун тутар 3 күнүттэн саҕаланар. Куонкуруска уопсай, орто уонна оскуола иннинээҕи саастаах оҕолорго, 3 сылтан кырата суох ыстаастаах, тэрилтэ көрүҥүттэн тутулуга суох идэлээх уонна эбии үөрэхтээһин исписэлиистэрэ кыттыахтарын сөп.

Хампаанньа «Энергетика и добыча сырья» хайысхаҕа 12-с миэстэни ылары ситистэ. HeadHunter Россия бастын үлэнэн хааччыйар тэрилтэлэрин быһаарар рейтинг оҥоруутунан хаһыс да сылын дьарыктанар. Анал балл ахсаанынан хампаанньа өссө биирдэ финалга тахсары ситистэ.

Хампаанньа Мииринэйдээҕи киин балыыһаҕа аныгы ирдэбилгэ толору эппиэттиир 2 стационарнай компьютеры уонна медицинскэй хамыыһыйалары ыытарга ноутбук атыылаһан көмө оҥордо.

«РНГ» АУо бу курдук балыыһа үлэтин мэлдьи өйүүр. Эмп атыылаһыытыгар, медицинскэй оборудованиенан уонна расходнай матырыйаалларынан хааччыйыыга сүҥкэн көмөлөөх.

Мииринэйдээҕи киин балыыһа - куорат нэһилиэнньэтигэр доруобуйаны чөлүгэр түһэриигэ үрдүк хаачыстыбалаах өҥөнү оҥорор биир соҕотох медицинскэй тэрилтэ буолар

Хампаанньа нэһилиэк дьонугар ыраас уу тиэрдэн биэрдэ.

Саха сирин Мииринэй оройуонун Сүлдьүкээр нэһилиэгэ - эбэҥки хотугу аҕыйах ахсааннаах норуот түөлбэлээн олохсуйан олорор нэһилиэгэ буолар. Кииннэммит уу ситимэ нэһилиэккэ суох, уу чугас өрүстэн ылыллар.

Тохсунньуга нэһилиэк дьонугар иһэр уу кыһалҕата сытыытык турда. Онуоха Сүлдьүкээр нэһилиэгин баһылыга «РНГ» АУо салалтатыгар үөскээбит быһыыны биллэрэн, көмө көрдөспүтүн хампаанньа салалтата тута сөбүлэстэ.