Сонуннар

Россиятааҕы Кыһыл Кириэс хамсааһыны кытары бииргэ үлэлэһии чэрчитинэн хампаанньа дойду приграничнай регионугар ытыалаһыыттан эмсэҕэлээбит дьоҥҥо өйөбүл быһыытынан 2 мөлүйүөн сууммалаах харчынан көмөлөһүөҕэ.

Көрүллүбүт харчыга общественнэй тэриллии бастакы кэмҥэ туттуллар табаарынан хааччыйыыга туһаныаҕа. Ол эбэтэр таҥас-сап, ас-үөл, гигиена малын атыылаһан ыытыаҕа. Гуманитарнай көмөнү Курскай уобалас олохтоохторугар уонна да атын граница таһыгар турар уобалас олохтоохторугар ыытыахтара.

Устудьуоннар навигация түмүктэниэр диэри үлэлиэхтэрэ. Үөрэх практическэй чааһа  хампаанньа бас билиитигэр сылдьар «Виктория - 1», «Боец» уонна «Витимец» теплоходтарга ааһар.

Суудуналарга практиканы биэс курсант ааһар. Кинилэр Сибиирдээҕи судаарыстыбаннай университет Усть-Куттааҕы уу транспорын үнүстүүтүн филиалыгар үһүс уонна иккис куурус устудьуоннара. Бу үөрэх кыһата флот хамаандатын састаабын уонна өрүс суудуналарын туһаныы техниктарын бэлэмнээһиҥҥэ биир инники күөҥҥэ сылдьар үрдүк үөрэх кыһата.

«РНГ» АУо үрдүкү үөрэх кыһатын кытары 2020 сыллаахтан бииргэ үлэлиир. Өйөбүл программалаах бииргэ үлэлээһиҥҥэ киирэллэр: граннар, атын регионнартан кэлэр устудьуоннары өйөөһүн, үөрэх кыһатын материальнай- техническэй баазатын тупсуута.

Быйылгы сылга үөрэх кыһатын ситиһиилээхтик бүтэрэн 152 устудьуон диплом ыллылар. Мантан 29 устудьуона, «РНГ» АУо өйөбүлүн туһанан, граннары ылбыттара. Үөрэх кыһатыгар саамай куонкурустаах идэлэринэн үп-харчы, ИТ уонна электроннай атыы идэлэрэ буолаллар.

«РНГ» АУо  бырайыак партнёрун быһыытынан номнуо үһүс сылын кыттыыны ылар. Саҥа сезон алтынньы ыйтан саҕаламмыта.

Быйылгы сылга, экологияҕа уонна айылҕаҕа харыстабыллаахтык сыһыаннаһар күрэххэ, уопсайа 80 тыһыынчаттан тахса сайаапка киирдэ. Сылтан сыл дьон интэриэһэ улаатар. Ол курдук, интэриэс сыыппарата бүтүн 14 төгүл үрдээбит. Күрэх географията дойду бары регионнарын хабар, маны сэргэ, 78 судаарыстыба, ол иһигэр Европа, Азия, Африка кыттыыны ыллылар.

АК&М ааҕыныстыба национальнай рейтинговай шкалаҕа хампаанньа таһаарыылаах үлэтин бэлиэтээтэ.

Аналитиктар бэлиэтииллэринэн «РНГ» АУо тулалыыр эйгэни харыстааһыҥҥа, корпоративнай салайыыга уонна  регион сайдыытыгар улахан кылаатын киллэрэр.

Отчуокка сурулларынан тэрилтэ айылҕа харыстабылын сыһыаннаһыыларыгар, биологическэй ресурсалары харыстааһыҥҥа улахан болҕомтотун уурар. Холобур быһыытынан эттэххэ, аҥардас ааспыт сыл түмүгүнэн, хампаанньа Саха сирин өрүстэригэр 1 мөлүйүөнтэн тахса балык ыаматын ыытан турар.

Хампаанньа "Олоҥхо дойдута" этнографическэй комплекска алмаастаах кыраай үрүҥ тунах ыһыаҕын ыытыыга улахан болҕомтотун ууран актыыбынай кыттыыны ылла. Тэрилтэ үлэһиттэрэ тэрээһин ыалдьыттарыгар анаммыт массыына тохтуур сирин оҥорууга күүс-көмө буоллулар. 

Маны сэргэ, «РНГ» АУо быйылгы Таас-Үрэх нэһилиэгэр ыһыах сүрүн тэрээһиннэригэр эмиэ көхтөөх кыттыыны ылла.Бырааһынньык кэмигэр хампаанньа үлэһиттэрэ нэһилиэк соҕотох оскуолатын бүтэрээччилэргэ бэлэхтэри туттардылар уонна хапсаҕай хапсыһыытын күрэҕэр сыаналаах бириистэри туттардылар. 

Экологтар Бүлүүтээҕи водохранилище боротуокатыгар – Аанньаах үрэххэ «РНГ» АУо-тан 185 тыһыынчаттан тахса лососевай көрүҥ балык ыаматын уонна кини иһинэн үлэлиир тэрилтэттэн 15 тыһыынча ыаманы ыыттылар. 

«РНГ» АУо сакааһынан балык ыамаларын анаан-минээн Чернышевскайдааҕы балык собуотугар иитэн таһаараллар. Бу тэрилтэ Саха сиригэр үлэлиир соҕотох балык собуота. Балык иитиитигэр туһаныллар ууну Бүлүүтээҕи водохранилищеттан ылыллар, искэхтэн ыаманы иитэн таһаарыы хас да ыйдаах үлэ түмүгэ буолар. 

Дойду биир улахан тэрээһинэ Дьокуускайга бэс ыйын 26 күнүттэн от ыйын 7 күнүгэр диэри ыытыллыаҕа. Оонньуулар үөрүүлээх арыллыылара «Туймаада» стадиоҥҥа буолуоҕа.

Күрэхтэһиилэргэ уопсайа 26 араас дойдуттан, Россия регионнарыттан уонна алта федеральнай уокуруктан үс тыһыынчаттан тахса спортсмен кыттыыны ылыаҕа. Оонньууларга 239 кэмпилиэк мэтээли 24 көрүҥҥэ оонньотуохтара.

«РНГ» АУо региональнай партнер быһыытынан кыттыыны ылар уонна харчынан көмөлөстө.

Светлинскэйдээҕи энергетикэ, ньиэп, гаас отделениетыгар «Разработка и эксплуатация нефтяных и газовых месторождений» идэҕэ  үөрэнэр устудьуоннар дипломнай үлэлэрин көмүскээтилэр. Үлэлэри «РНГ» АУо ниэби учуоттуур отделыгар ниэп бэлэмнээһинин кылаабынай  исписэлииһэ Айсен Васильев салайааччылаах судаарыстыбаннай экзаменационнай хамыыһыйа сыаналаата.

Убаастабыллаах коллегалар, партнердар, бар дьоммут!

Россия күнүнэн итии-истиҥ эҕэрдэтэ тутуҥ.

Эһиэхэ баҕарабыт кытаанах доруобуйаны, ситиһиилэри уонна табыллыыны!