06 августа 2025
Хампаанньа баһаарынай сулууспата Саха Өрөспүүбүлүкэтин Мииринэй оройуонугар тахсыбыт ойуур баһаарын умулларыыга көмө оҥордо.
Улуус баһаарынайдара уонна "РНГ" АУо баһаарынай сулууспата түргэн, түмсүүлээх үлэлэрин түмүгэр баһаар уота киэҥник тарҕаныыта тохтоото. Уоту умулларыыга хампаанньа 20-чэ үлэһитэ кыттыыны ылла, маны сэргэ тэрилтэ улахан кыамталаах техникалара, ол иһигэр суола-ииһэ суох сиргэ сылдьар МТ-ЛБ гусеничнай вездеход, эмиэ көмөҕө таҕыстылар.
«РНГ» АУо Мииринэй, Ленскэй, Сунтаар оройуоннарыгар айылҕа содулуттан үөскээбит ыксаллаах быһыыларга мэлдьи көмө буолар. Быйыл баһаар тахсыытын көрдөрүүтэ үрдүк буолан хампаанньа иһинэн баһаартан сэрэхтээх буолуу үлэтэ күүһүрдүллэн, анал миэрэлэр ылыллан тураллар.