Хампаанньа 4-с сылын Роспироднадзор экологическэй сырдатыыга, оҕону, ыччаты экология, айылҕа харыстабылын эйгэтигэр сыһыарыыга сирдиир бырайыагар көмө буолар.
Убаастабыллаах коллегалар, партнердар, доҕоттор!
Ис сүрэхпиттэн эһигини сомоҕолоһуу күнүнэн эҕэрдэлиибин!
Тус бэйэҕитигэр уонна дьиэ кэргэҥҥитигэр доруобуйаны, дьолу, ситиһиилэри баҕарабын!
Хампаанньа саҥа олорор дьиэ учаастагын сирин көннөрүүтүгэр матырыйаалынан көмөлөстө.
Икки подьезтаах 16 квартиралаах олорор дьиэ "Жилье и городская среда" национальнай бырайыак чэрчитинэн хаарбах уонна аварийнай туруктаах дьиэлэртэн көһөрүү республикатааҕы программа көмөтүнэн тутуллуоҕа.
Төлөммөт босхо көмө Мииринэй оройуонун "Алмазнай бөһүөлэгэ" муниципальнай тэриллии көрдөһүүтүнэн оҥоһулунна. Дьиэ тутуллар сирэ оллур-боллур, көнөтө суох ол иһин анал матырыйаал уонна техника көмөтүнэн сири көтөҕөн, тэҥнээн биэрэр ирдэнэр.
Хампаанньа В. П. Ларионов аатынан физико-математическэй лицей үөрэнээччилэригэр астарыгар уонна олорор сирдэрин хааччыйарга диэн харчынан көмөлөстө.
Бүтүн дойдутааҕы II оҕо экологическэй форума Челябинскай куоракка алтынньы 15-16 күннэригэр ыытыллыаҕа. Кыайыы иһин киирсиигэ дойдубут 51 регионнарыттан хамаандалар кыттыахтара.
Хампаанньа ураты харыстанар сир кыылларын көрүүгэ 3 тонна дизельнай уматык аҕалла.
Өйөбүл уһун кэмнээх бииргэ үлэлэһии сөбүлэҥэр олоҕуран оҥоһулунна. Докумуоҥҥа сурулларынан СӨ Мииринэй оройуонугар баар айылҕа пааркатыгар, кыыллары көрүүгэ-истиигэ, аһынан хааччыйыыга туһулаан сыл ахсын уматыгынан көмө оҥоруохтаах.
Бу иннинэ хампаанньа пааркаҕа аһымал көмө уонна өйөбүл быһыытынан «ТРЭКОЛ» вездеходу бэлэх ууммута.
Хампаанньа Москваттан кэлбит уһуйааччылар уонна устудьуоннар айаннарын, олорор сирдэрин төлөбүрүгэр харчынан көмөлөстө.
Россиятааҕы театральнай искусство института (ГИТИС) уонна Арктикатааҕы культура судаарыстыбаннай институтун кытары (АГИКИ) көһө сылдьар театральнай оскуола дьарыктарын ыытар. Икки үрдүк үөрэх кыһаларын устудьуоннара артыыс маастарыстыбатыгар, сыанаҕа саҥарыыга, туттууга-хаптыыга үөрэнэллэр.
«РНГ» АУо хампаанньа иһинэн үлэлиир «Монулах Геологоразведка» ХЭТ 11 мөлүйүөн сууммалаах бэс мас олордуутун үбүлээһинин оҥордо.
«Российский центр защиты леса» федеральнай тэрилтэни кытары хантыраакка олоҕуран оҥоһуллубут ойууру чөлүгэр түһэрии үлэтин өссө биир түһүмэҕэ түмүктэннэ. Ол курдук от ыйыттан саҕалаан атырдьах ыйыгар диэри 56 тыһыынча мас олордулунна.
2022 сылтан Саха сирин территориятыгар ойууру чөлүгэр түһэриигэ «РНГ» АУо уопсайа 170 мөлүйүөн сууммалаах үлэни 668 гектар сиргэ оҥордо.
Икки өттүттэн уопсай сүбэнэн Курскай уобалас көһөрүллүбүт олохтоохторугар көмө оҥоһуллар. Хампаанньа тыырбыт үбүлээһинэ ас-таҥас атыылаһыытыгар ыытыллар. Ол иһигэр утуйар таҥас, гигиеническэй набордар уонна бытовой техника.
Россиятааҕы Кыһыл Кириэс биир сүрүн хайысхатынан биирдиилэн дьону кытта, эмп-том уонна оҕо аһылыгын, сакааһынан үлэ буолар. Улахан болҕомто эмсэҕэлээбит дьоҥҥо психологическэй көмө оҥоһуутугар ууруллар. Бу суолталаах хайысха.
Убаастабыллаах коллегалар, бар дьонум!
Эһигини ньиэп уонна гаас промышленноһын үлэһиттэрин күнүнэн ис сүрэхтэн эҕэрдэлиибин!
Хас биирдии хампаанньа үлэһитигэр, уопсай дьыалаҕа үтүө суобастаах сыһыаҥҥыт иһин, барҕа махталбын тиэрдэбин. Эһиги үлэҕэ кыһамньыгыт улахан убаастабылы ирдиир. Бары биир сомоҕо буолан, түмсэн хампаанньа сайдыытын туһугар туруулаһабыт. «РНГ» АУо хаһан да уустуктартан саллыбат, күүстээх санаалаах. Иннибитигэр өссө да саҥа тахсыылар күүтэллэр.
Хампаанньа офистарыгар көһө сылдьар контейнердары, ол эбэтэр үтүө санаа дьааһыктарын уурбуттара. Бу дьааһыктарга хас эмэ ый устата, баҕалаах дьон, кэтэр уонна атах таҥастарын уурбуттара.
«Лавка радостей» аһымал пуондата олох ыарахан очуругар түбэспит дьоҥҥо-сэргэҕэ көмөлөһөр сыаллаах 2018 сыллаахтан тэриллэн үлэлиир. Кинилэр көрүүлэригэр төрөппүт көрүүтэ суох хаалбыт тулаайах оҕолор, саастаах дьон, элбэх оҕолоох уонна кыаммат ыаллар, маны сэргэ, олох араас уустугар түбэспит дьон бааллар.
Болҕойун! Сонуну маассабайдык тарҕатар тэрилтэлэртэн эрэ киирбит иһитиннэриилэри көрөбүт.