70 саастаах Хампаанньа үлэһитэ Александр Меньшов «РНГ» АУо көҕүлээһининэн, кыайыы 80 сылыгар туһаайан Памир чыпчаалын дабайан үрдүк ситиһиилээх кэллэ. Төһө да уустуктар баар буолбуттарын иһин, Кыайыы Знамята уонна Хампаанньа былааҕа Корженевскай хайа өргөһүн саамай үрдүк чыпчаалыгар таҕыстылар.
Корженевскай хайа өргөһө – Таджикистан Памирскай хайаларыгар үрдүгүнэн тердүс миэстэҕэ сылдьар. Бу чыпчаалга тахсарга төһө да ыарахан түһүмэхтэрдээх буоллар, аан дойдуттан элбэх альпинист кэлэр.
Александр Меньшов спортсменнар бөлөхтөрүн кытта 6400 м үрдүккэ штурмовой лааҕырга таҕыста уонна сатабылларын, физическэй бэлэмнэниитин бигэргэттэ.
Ол эрэн күн-дьыл үчүгэйдик туран биэрбэккэ, түмүктүүр ыстаныыны сатаан оҥотторбото. Чааска 35-45 км/ч түргэннээх тыал олоххо кутталы үөскэтэн, хомойуох иһин, салгыы даьайар сатаммата.
«Бу мин практикабар саамай уустук дабайыы буолла. Хомойуох иһин, күн-дьыл уларыйан былааннаабыт чыпчаалбар тиийбэтим. Ол эрэн альпинизм – кытаанах спорт көрүҥэ, ханнык баҕарар дабайыы соһуччу буолуон сөп. Манна хайалар эйигин бэрэбиэркэлээн көрөллөр, эти-сиини эрэ буолбакка, өйү-санааны кытары бэрэбиэркэлииллэр. Ситиһии диэн дабайыы эрэ буолбакка, сөптөөх кэмҥэ, сөптөөх бириэмэҕэ күүс-кыах булан аккаастанарга үөрэтэр», – диэн Александр Алексеевич билиннэ.
Александр Меньшов көрдөһүүтүнэн, кини туруоруммут сыалын Барнаултан сылдьар альпинист Роман Красников толордо. Кини күн-дьыл тупсарын күүтэн, 3 киһилээх бөлөх иһигэр киирэн, туһааннаах чыпчаалы дабайан «РНГ» АУо уонна Кыайыы знамятын Корженевскай чыпчаалга туруорда.