«РНГ» АУо кытта үһүн кэмнээх бииргэ үлэлэһии дуогабарыгар олоҕуран «Россиятааҕы Кыһыл Кириэс» Бүтүн Россиятааҕы хамсааһыҥҥа ыксаллаах быһыы-майгы тахсар түгэнигэр анаммыт саппааһынан хааччыйыыны тэрийэр анал пуондаҕа үбүлээһини оҥордо.
РКК бу харчынан ыксаллаах быһыыга түбэспит дьоҥҥо наадалаах мал-салы ыларга, эминэн хааччыйыыга көмө буолар. Маны сэргэ, үбүлээһин бастакынан наада буолар табаардары атыылаһыыга туттуллуоҕа: утуйар набордар, сылаас таҥас, атах таҥаһа, өр кэмҥэ хараллар бородуукта, ис таҥас. Маннык тэрээһин РКК пуондата хаһан баҕар тахсыан сөптөөх ыксаллаах быһыыга түргэнник уонна көдьүүстээхтик дьаһанарыгар көмө буолуоҕа.
«РНГ» АУо – биһиги бастайааннай партнербут. Биһиги Саха сиригэр ыксаллаах быһыы тахса сылдьыбыт кэмигэр бииргэ үлэлээбит уопуттаахпыт. Билигин бу маннык сыалга диэн Уһук Илин региоҥҥа кииннээн үлэлиир сыалай хамаанданы таҥан үөрэтэ сылдьабыт. Регион саппааһынан хааччыллыытын тэрийиигэ күүскэ үлэлэһэбит», – диэн Россиятааҕы Кыһыл Кириэс бэрэссэдээтэлэ Павел Савчук иһитиннэрдэ.
Пуонда сүрүн сыала-соруга - ыксаллаах быһыы тахсар түгэнигэр түргэнник суһал көмөнү оҥоруу. Дьоҥҥо өйөбүл буолуутугар бириэмэ улахан суолталаах. Бу туһугар саппааһы харайыыга ыскылааттар, гуманитарнай көмөнү тарҕатыы, ыксаллаах быһыыга бастакынан көмөҕө кэлэр хамаанданы тэрийии, кинилэри анал оборудованиенан хааччыйыы улахан суолтаны ылаллар.