Хампаанньа Мииринэй оройуонугар ыытыллыбыт дуобакка уонна саахымакка, өй оонньуутун аһаҕас турнирын кыайыылаахтарыгар анал бириистэри олохтоото. Аҕа дойду Улуу сэриитин 81 сыллаах үбүлүөйүн көрсө күрэхтэһии Мииринэй куоракка ыытылынна.
Турнир тэрийээччилэрэ Саха Өрөспүүбүлүкэтин саахымакка Федерацията уонна Мииринэй оройуоннааҕы үөрэх салаата. Күрэхтэһиигэ Мииринэйтэн, Удачнайтан, Ленскэйтэн уонна чугас сытар нэһилиэнньэлээх пууннартан 120 эдэр спортсмен кыттыыны ылла.
Турнир икки сааһынан бөлөххө арахсан ыытылынна: кыра бөлөх (7–11 саас) уонна улахан бөлөх (12–18 саас). Кыайыылаахтар уонна призердар, хас биирдии спорт көрүҥэр, түөртүү категориянан быһаарылыннылар.
Кыттааччылар тэрээһин үрдүк таһымҥа ыытылынна диэн санааларын үллэһиннилэр. Тэрийээччилэр «РНГ» АУо-ҕа эдэр ыччат ортотугар өй оонньуулара сайдыытыгар улахан кылааттарын, көдьүүстээх бииргэ үлэлэһии уонна оҕо спордун сайдыытыгар болҕомтолорун иһин ис сүрэхтэн махталларын биллэрдилэр.
