Хампаанньа уу биоресурсаларын хаҥатыы программатын салгыы үлэлэтэр. «РНГ» АУо экологтара Бүлүүтээҕи водохранилищеҕа кыһыллыҥы эттээх сыаннай балык биир сүрүн көрүҥүн, 550 тыһ. быраҥаатта балык ыаматын ыытта.
РНГ хампаанньа бөлөхтөрө хаһыс да сылын региоҥҥа уу биоресурсаларын байытыыга, чөлүгэр түһэриигэ күүскэ үлэлэһэллэр. 8 сыл иһигэр Саха сирин ууларыгар уопсайа 4,5 мөлүйүөнтэн тахса майаҕас көрүҥ балык ыытылынна.
Хампаанньа СӨ экологияҕа, ойуур хаһаайыстыбатыгар уонна айылҕа харыстабылыгар министиэристибэтин рейтинигэр сиртэн хостонор баайы кытта үлэлиир хампаанньаларга бэһис миэстэни ылла.
Саха сиригэр тулалыыр эйгэ5э промышленнай онорон таһаарыы оруолугар саҥа тутулуга суох бырайыак төрүттэннэ. «ЭкоРейтинг предприятий-недропользователей» диэн ааттаах саҥа хамсааһын региоҥҥа промышленнай эйгэҕэ үлэлиир тэрилтэлэргэ айылҕа харыстабылын үлэтигэр уонна көҕөрдүүгэ туһуламмыт күрэһи олохтуурга туһуланар.
Саха төрүт сайыны көрсөр күнэ Саха сирин Мииринэй улууһун Сүлдьүкээр нэһилиэгэр бэлиэтэннэ. Быйылгы тэрээһин нэһилиэк төрүттэммитэ 70 сылыгар ананна. Хампаанньа спортивнай күрэхтэр кыайыылаахтарыгар анал бириис туруорда.
Ыһыах саха төрүт үгэстэрин, култуурунай тэрээһиннэри уонна спортивнай күрэхтэри биир сомоҕо тутан түмсүү бэлиэтин көрдөрдө.
Ыалдьыттар кымыс иһиитин, алгыс сиэрин-туомун кытта билистилэр, оһуохайы оройуттан туттулар.
Хампаанньа Краснодарга ыытыллыахтаах күрэхтэһиигэ бэлэмнэнии сүүмэрдээһинигэр уонна таҥаһынан, анал экипировканан хааччыйыыга харчынан көмөлөстө.
Юниордарга боксаҕа Арассыыйа күрэҕэ Кубань киин куоратыгар түмүктэннэ. Мииринэй спортсменнара киирсиилэргэ үрдүк таһымнаах бэлэми уонна бастыҥ маастарыстыбаны көрдөрдүлэр.
Убаастабыллаах коллегалар, партнердар, бар дьоммут!
Россия күнүнэн итии-истиҥ эҕэрдэтэ тутуҥ.
Эһиэхэ баҕарабыт кытаанах доруобуйаны, ситиһиилэри уонна табыллыыны!
Хампаанньа суудуналара Өлүөнэ өрүскэ сырыыны саҕалаатылар. Уу ааллара «РНГ» АУо туһанар техническэй таһаҕаһын уонна тэрилтэ үлэтин хааччыйар аһын-үөлүн Саха сиригэр тиэрдиэхтэрэ.
2026 сыллааҕы навигацияҕа 40-тан тахса риэйсэ былааҥҥа киирэн турар. Уус-Кут – Ленскэй хайысханан уу суолунан айан уопсай уһуна, бара-кэлэ, 2000 килэмиэтир.
Хампаанньа сааскы халаан кэмигэр "Бүлүү" федеральнай суолга Таас-Үрэх нэһилиэгин таһынан суол учаастагар тахсыбыт алдьаныыны чөлүгэр түһэриигэ көмө оҥордо.
Сааскы халаан кэмигэр "Бүлүү" федеральнай суол учаастагар, Таас-Үрэх нэһилиэгэр киирии суол улаханнык эмсэҕэлээбитэ. Бу суол Мииринэй оройуонун атын нэһилиэнньэлээх пууннарын кытта ситимниир айан суола буолар. Нэһилиэккэ улахан кыһалҕа үөскээбитэ: бородуукта таһыыта, ыксаллаах быһыы тахсар түгэнигэр үлэлиир сулууспалар айаннара уустугурбута.
AK&M ааҕыныстыба рейтинг таһаарыытыгар хампаанньа үлэтигэр үрдүк сыанабылы биэрдэ. «А» рейтинг диэн «РНГ» АУо Россия иһигэр үлэлиир баараҕай хампаанньалар истэригэр бастыҥ үлэлээҕин, үрдүк таһымнааҕын туоһулуур.
Бэлиэтээн эппиттэринэн, Хампаанньа бигэ тирэхтээх сайдыы оҥкулларыгар улахан болҕомто ууран үлэлиир. Аналитиктар ордук тоһоҕолоон «РНГ» АУо тулалыыр эйгэҕэ, айылҕа харыстабылыгар сыһыанын, корпоративнай салайыы көдьүүһүн, регионнааҕы былаас уорганнарын уонна олохтоох уопсастыбаннай тэрилтэлэри кытта биир ситимнээх үлэлэрин бэлиэтээн эттилэр.
Хампаанньа Мииринэй оройуонугар ыытыллыбыт дуобакка уонна саахымакка, өй оонньуутун аһаҕас турнирын кыайыылаахтарыгар анал бириистэри олохтоото. Аҕа дойду Улуу сэриитин 81 сыллаах үбүлүөйүн көрсө күрэхтэһии Мииринэй куоракка ыытылынна.
Турнир тэрийээччилэрэ Саха Өрөспүүбүлүкэтин саахымакка Федерацията уонна Мииринэй оройуоннааҕы үөрэх салаата. Күрэхтэһиигэ Мииринэйтэн, Удачнайтан, Ленскэйтэн уонна чугас сытар нэһилиэнньэлээх пууннартан 120 эдэр спортсмен кыттыыны ылла.
Убаастабыллаах коллегалар, партнердар, бар дьоммут!
Кыайыы Күнүнэн итии-истиҥ, төлөннөөх эҕэрдэтэ тутуҥ!
Тус бэйэҕитигэр, чугас дьоҥҥутугар кытаанах доруобуйаны, дьолу уонна ситиһиилэри баҕарабыт!