Саҥа үөрэх сылыгар Хампаанньа Саха Өрөспүүбүлүкэтин Мииринэй оройуонун Таас -Үрэх нэһилиэгин 9-с нүөмэрдээх Р.В. Лонкунов аатынан уопсай үөрэхтээһин оскуолатын боруогун саҥа атыллыыр маҥнайгы кылаас үөрэнээччилэригэр көмө оҥордо.
«РНГ» АУо бэрэстэбиитэллэрэ оҕолорго рюкзак, атах таҥаһын уктар суумка уонна оскуола тээбириннэрин бэлэхтээтилэр.
Убаастабыллаах коллегаларым, партнердар, бар дьонум!
Ньиэп уонна гаас промышленноһын үлэһиттэрин күнүнэн итии-истиҥ төлөннөөх эҕэрдэтэ тутуҥ!
Бүгүн биһиги бу хайысха сайдыытыгар дьоһун кылааттарын киллэрэр, идэлэрин маастарыстыбатынан холобур буолар дьоммутун чиэстиибит. Эһиги үлэҕитигэр эппиэтинэстээх уонна бэриниилээх сыһыаҥҥыт көмөтүнэн үтүмэн элбэх ситиһиилээхпит, кэлэр сайдыыга бигэ эрэллээхпит.
Ньиэп хайысхатын сайдыытыгар киллэрэр дьоһун кылааккыт, үтүө суобастаах үлэҕит иһин ис сүрэхтэн махтанабын.
Быйылгы сылга «РНГ Снабжение» ХЭТ устар састаабыгар Уус-Куттааҕы уу тырааныспарын институтун 2-с уонна 3-с кууруһун устудьуоннара кыттыспыттара. 8 курсаан, рулевой-моторист идэтин ылааччылар, «Боец», «Витимец», «Морион» уонна «Виктория-1» суудуналарга стажировка аастылар.
Бастакы күнтэн саҕалаан устудьуоннар толору бырааптаах экипаж чилиэннэрэ буолбуттара. Практика уонна уһуйааччылар өйөбүллэринэн оҕолор өрүс флотун аныгы ньымаларын көмөтүнэн идэни толору баһылыырга үөрэннилэр.
Хампаанньа Саха Өрөспүүбүлүкэтин Таас-Үрэх нэһилиэгэр эбии көмө оҥордо, фельдшерскай-акушерскай пуун тутуллуохтаах сирин бөҕөргөтөргө матырыйаалынан көмөлөстө.
«РНГ» АУо-ҕа эбии өйөбүл оҥорорго көмөлөһүн диэн көрдөһүүлээх Мииринэй оройуона уонна Мииринэй оройуонун киин балыыһата сибээскэ тахсыбыттара. Ол курдук, бу өрөбүллэргэ тутуу былассааккатыгар 300 кубометр кэриҥэ, ол аата 20 самосвал массыына, таас буору аҕалан куттулар.
Бу тутуу олоххо киириитэ Таас-Үрэх нэһилиэгэр социальнай инфраструктураны сайыннарыыга төһүү күүс буолуоҕа.
«Экология – дело каждого» оҕо уонна ыччат норуоттар икки ардыларынааҕы бириэмийэ VI дьылын түмүктэрин таһаардылар. «РНГ» АУо номнуо 5-с сылын бу бырайыагы өйүүр.
Хампаанньа оҥорон таһаарар эбийиэктэригэр ХИФУ Мииринэйдээҕи филиалын "Нефтегазовое дело" салаатын бастакы кууруһун бүтэрбит устудьуоннар билсиһэр уонна үөрэнэр сыаллаах практика иитинэн экскурсияҕа сырыттылар.
Хампаанньа таҥара дьиэлэрин иһинэн элбэх оҕолоох ыаллар өйөбүллэригэр туһулаан харчынан көмөлөстө.
Үгэс быһыытынан, таҥара дьиэтин сулууспалаахтарын дьиэ кэргэттэригэр элбэх оҕо иитиллэр. Аҕабыыттар сүрүн дохуоттара итэҕэллээх дьон төлүүр үптэриттэн турар, ол иһин дьиэ кэргэттэр үп-харчы өттүнэн үгүс уустуктары көрсөллөр. Маны сэргэ, Саха сирин епархиятын сорох сулууспалаахтара хоту улуустарга үлэлииллэр, онно олох усулуобуйата икки бүк уустук буолар.
Хампаанньа Саха Өрөспүүбүлүкэтин доруобуйаларыгар хааччахтаах, инбэлиит оҕолорго көмө буолар «Харысхал» («Милосердие») аһымал пуондатыгар харчынан көмөлөстө.
Харчы Саха сирин искэн ыарыытынан ыалдьар оҕолоругар тыырыллыаҕа.
Саха сиринээҕи «Харысхал» пуонда доруобуйаларыгар хааччахтаах оҕолорго көмө буолар сыаллаах социальнай бырайыактары олоххо киллэрэр. Пуонда Өрөспүүбүлүкэҕэ инклюзивнай үөрэхтээһини сайыннарар, инбэлиит оҕолорго тус көмөҕө саҥа, аныгы ньымалары олоххо киллэрэр.
Хампаанньа «Коломенское» ураты харыстанар музей сиригэр ыытыллыбыт ыһыах тэрээһинигэр харчынан өйөбүл оҥорон кыттыыны ылла.
Дойду киинигэр, Москва куоракка, ыытыллар ыһыах саха дьонун түмэр, норуот култууратын киэҥ эйгэҕэ көрдөрүүгэ улахан суолталаах. Москва ыһыаҕа сыл аайы ыытыллар уонна куорат култуурунай былааныгар киирэн күүтүүлээх тэрээһин буолар.
Мииринэй оройуонун Таас-Үрэх нэһилиэгин 9 № -дээх Р.В. Лонкунов аатынан орто, анал оскуоланы бутэрээччилэргэ «РНГ» АУо сыаналаах бэлэхтэри туттарда.
Оскуоланы бүтэрэр үөрүүлээх тэрээһин иитинэн ыытыллыбыт түгэҥҥэ хампаанньа бэрэстэбиитэлэ эҕэрдэ тылын эттэ, дьолу-соргуну, баҕарар идэлэрин баһылаан туһа дьоно буолалларыгар баҕарда. Эҕэрдэ тыл кэннэ бары оскуоланы бүтэрээччилэрггэ «РНГ» АУо аатыттан планшеттары туттарда.