Өлүөнэ өрүс үөһээ тардыытыгар 2026 сыллааҕы навигация биэс ый курдук үлэлээтэ. Бу кэм иһигэр Хампаанньа суудуналара 10 тыһыынчаттан тахса туонна Саха сиригэр үлэлиир «РНГ» АУо үлэтин тохтоло суох хааччыйар техническэй уонна ас-үөл таһаҕастарын туһааннаах сиргэ тиэртилэр.
«Боец», «Витимец», «Морион» уонна «Виктория-1» суудуналар Уус-Кут («Осетрово» порт) – Ленскэй – Уус-Кут хайысхаларынан 37 риэйсэни оҥордулар. Өрүс суолун уһуна икки хайысханан икки тыһыынча килэмиэтир курдукка тэҥнэһэр.
Билигин суудуналар кыстыыр сирдэрин булан, Уус-Кут бөһүөлэгэр суудуналар турар сирдэригэр тохтоотулар. Кыһыҥҥы кэмҥэ былааннаммыт техническэй көрүү ыытыллыаҕа, ол түмүгүнэн 2027 сыллааҕы навигацияҕа бэлэмнэнэн өрөмүөн үлэтэ оҥоһуллуоҕа, толору техническэй өттүнэн чинчийии ыытыллан үлэ былаан быһыытынан барыаҕа.
