Пандемия кэмэ сатыылыаҕыттан «РНГ» АУо «РНГ – медикам» программа иитинэн Саха Өрөспүүбүлүкэтин доруобуйатын харыстабылын салаатыгар суҥкэн суолталаах көмө оҥорор.
Ол курдук бүтэһик ыйдарга Мииринэйдээҕи киин балыыһаҕа уопсайа 1200 тыһыынча доллар сууммалаах көмөнү оҥордо. Бу харчыга дьаҥы утары охсуһарга анаан бэйэни харыстанар сириэстибэлэр, эмп-том уонна оборудование атыылаһыллыбыт.
«РНГ» АУо – Саха Өрөспүүбүлүкэтигэр ыытыллар үөрэх салаатын үлэһиттэригэр анаммыт куонкурус генеральнай партнера буолла. Саха АССР төрүттэммитэ 100 сыллаах үбүлүөйүн көрсө ыытыллар тэрээһиҥҥэ хампаанньа харчынан көмөлөһөр.
100 бастыҥтан бастыҥ педагог сүүстүү тыһыынча бириэмийэ тутуохтара. Бириэмийэни Өрөспүүбүлүкэ үөрэҕин сайдыытыгар суолталаах кылааттарын укпут педагогтар ылыахтара. Тустаах хамыыһыйа үөрэнээччилэр таһымнарын, үөрэх программатын ылыныыларын, уруокка аныгы технологиялары, дистанционнай форматы төһө сөпкө туһаналларын сыаналыахтара.
Ааһан эрэр сылга хампаанньа нолуокка уонна булгуччулаах төлөбүрдэргэ, маны сэргэ, судаарыстыбаннай хампаанньалар туһаларыгар диэн 14,5 миллиард сууммалаах төлөбүрдэри оҥордо. Бу сыыппара ааһан эрэр 2020 сылы кытары тэҥнээтэххэ икки төгүл элбэх.
Хампаанньа регниоҥҥа оҥорон таһаарыы эрэ көрдөрүүтүн үрдэтиигэ буолбакка, Саха Өрөспүүбүлүкэтин социальнай-экономическэй сайдыытыгар улахан кылаатын киллэрэр. Үөрэхтээһин, культура уонна экология бырайыактарыгар араас көҕүлээһиннэрин өйүүр, нэһилиэнньэ олоҕун таһыма тупсуутугар кыһаллан туран үлэлиир.
«РНГ» АУо ыксаллаах түгэҥҥэ түбэспит дьоннорго көмөлөһөр сыаллаах «Россиятааҕы Кыһыл Кириэс» бүтүн дойдутааҕы общественнай тэрилтэ бырайыактарын өйүөҕэ. Бииргэ үлэлэһии торумугар олохтоох нэһилиэнньэ доруобуйатын харыстабыла итиэннэ ыксаллаах быһыыга түбэспит дьону аһынан, табаарынан хааччыйыы көҕүлээһиннэрэ киириэхтэрэ. Сөбүлэҥ быһыытынан үлэ сүрүннээн Саха Өрөспүүбүлүкэтин территориятын хабыаҕа.