СМИ биһиги туспутунан

Москваҕа муус устар 19 күнүттэн муус устар 23 күнүгэр диэри 21-с төгүлүн ыытыллар «Нефтегаз-2022» норуоттар икки ардыларынааҕы  тэрээһин уонна национальнай нефтегазовай форум  буолан ааста. Тэрээһин саҥа үйэ балысханнык сайда турар кэмигэр тэҥҥэ хардыылаан, сайдыыттан хаалсыбакка  салааны хайдах сайыннарар туһунан боппуруостарга болҕомтотун ууран үлэлээтэ. Сүрүн болҕомто ниэп хостооһунун улахан аҥарын ылар саппаастары үөрэтиигэ туһуланна. Саппаас элбээһинэ сири хаһыы дириҥээн иһэриттэн итиэннэ саҥа кыра сиртэн хостонор баайдаах сирдэри туһаныы элбээбититттэн тутулуктанар.

Хампаанньа «Экология – дело каждого» норуоттар икки ардыларынааҕы оҕо уонна ыччат бириэмийэтин федеральнай партнера буолла. Бырайыак ыччаты айылҕаҕа харыстабыллаахтык сыһыаннаһарга, экологическэй өйдөбүл кэҥииригэр  үөрэтэр. Кыайыылаахтар аан дойдуга тулалыыр  эйгэни харыстыыр уонна кини эмсэҕэлээбэтин туһугар кыһаллар айар үлэлэрин, экологическэй көҕүлээһиннэрин  интернет-былассааккаларынан киэҥник тарҕатыахтаахтар.

«Россиятааҕы Кыһыл Кириэс» бүтүн дойдутааҕы общественнэй тэриллиини кытары бииргэ үлэлэһии сөбүлэҥэр олоҕуран, хампаанньа эмсэҕэлээбит оройуоннарга эминэн-томунан, бастакы кэмҥэ наадалаах табаарынан хааччыйыыга харчынан көмөлөстө.

Бу туһунан сиһилии  letnews.ru саайтыгар киирэн билсиҥ

AK&M ааҕыныстыба национальнай рейтиҥҥэ хампаанньа үлэтин саамай үрдүк көрдөрүүлээҕин бигэргэттэ.  Аналитиктар «РНГ» АУо тулалыыр эйгэ харыстабылыгар, регион сайдыытыгар актыыбынай кыттыыларын уонна корпоративнай салайыы көдьүүһэ улаханын бэлиэтээтилэр. Экспертэр «РНГ» АУо өссө региоҥҥа олох-дьаһах тупсуутун, киһи хапытаала сайдыытын  боппуруостарыгар болҕомто ууруллуутун  үрдүктүк сыаналаатылар.

100 педагог – 100 тыһыынча суумалаах бириэмийэ тутта. Саха АССР төрүттэммитэ 100 сыллаах үбүлүөйүн көрсө, бастыҥ үлэлээх учууталлар наҕараадаланнылар.  Педагогтар күрэхтэрин көҕүлээччи уонна тэрийээччи — «РНГ» АУо.

2021сыл  ахсынньы ыйыгар хампаанньа Саха Өрөспүүбүлүкэтин Үүнэр көлүөнэтин тус сыаллаах пуондатын кытары бииргэ үлэлииргэ дуогабардаспыттара, итиэннэ Саха АССР төрүттэммитэ 100 сыллаах үбүлүөйүн көрсө, бастыҥ үлэлээх учууталларга харчынан бириэмийэ туттарарга, тэрээһини ыытыыга харчынан көмөлөһөргө сөбүлэҥ түһэрсибиттэрэ. Куонкурус түмүктэнэн 100 педагог – 100 тыһыынча суумалаах бириэмийэ тутта. Күрэх түмүгүн таһаарыыга пуонда салайааччыта Владимир Егоров республикаҕа социально-ориентированнай хампаанньалар сүдү суолталарын туһунан санаатын үллэһиннэ.

Саха  сиригэр «РНГ» АУо көмөтүнэн ыытыллар педагогтар күрэхтэрэ түмүктэннэ. 100 тыһыынчалаах бириэмийэни Өрөспүүбүлүкэ үөрэҕин сайдыытыгар суолталаах кылааттарын укпут педагогтар ылыахтара. Тустаах хамыыһыйа үөрэнээччилэр таһымнарын, үөрэх программатын ылыныыларын, үөрэнээччилэр араас күрэхтэргэ ситиһиилэрин сыаналаатылар. Көҕүлээччи уонна спонсор — «РНГ» АУо. Саха Өрөспүүбүлүкэтин бырабыытылыстабын бэрэссэдээтэлин солбуйааччы  Сергей Местников республикаҕа олох хаачыстыбатын тупсарыыга былаас уонна бизнес оруолун туһунан ЯСИА сонуну киэҥник тарҕатар порталга кэпсээтэ.

Саха Өрөспүүбүлүкэтин үөрэххэ уонна наукаҕа министиэристибэтэ, Саха АССР төрүттэммитэ 100 сыллаах үбүлүөйүгэр  анаан ыыппыт, педагогтар күрэхтэрин кыайыылаахтарын испиэһэгин таһаарда.  Хас биирдии кыайыылаах 100 тыһыынча харчынан бириэмийэ тутуоҕа. Күрэҕи тэрийиини, ол иһигэр бириэмийэ суумматын, тэрээһин ороскуоттарын  «РНГ» АУо уйунна. Кыайыылаахтары быһаарыы С. Н. Донского-II  аатынан квалификацияны үрдэтэр, үөрэхтээһини сайыннарар институтка сүктэрилиннэ.

Саха сиригэр Саха АССР төрүттэммитэ 100 сыллаах үбүлүөйүгэр анаммыт үөрэхтээһин эйгэтин үлэһиттэрин өйүүр сыаллаах ыытыллар куонкурус кыайыылаахтара ааттанна, түмүгэ таҕыста. Кыайыылаахтар истэригэр Саха Өрөспүүбүлүкэтин уонна Россия үтүөлээх учуутала лицей-интернат учуутала Зоя Холмогорова аата ааттанна. Кини 40 сыл нуучча тылын уонна литературатын үөрэтэр. Үөрэнээччилэр сыл ахсын үрдүк ситиһиилэнэллэр. Биир кэлим экзамеҥҥа 100-түү баалы ылаллар, оскуола үөрэнээччилэрин олимпиадатыгар бастыҥ көрдөрүүлээхтэр.

“РНГ” АУо көмөтүнэн «Дом с маяком» аһымал пуондата араас көмөнү тутар. Доруобуйаны чөлүгэр түһэриигэ анаммыт аныгы сириэстибэлэри коммерческэйэ суох тэрилтэҕэ биэрии,  хампаанньа аһымал көмөтүн программатын чэрчитинэн ыытыллар.

Бу иннигэр хампаанньа аһымал пуондаҕа эмиэ ыарахан туруктаах, сатаан бэйэ күүһүнэн хаампат  оҕолорго кэлээскэлэри уонна ходуноктары атыыласпыта, маны сэргэ, аһынан-үөлүнэн хааччыйыыга эмиэ үбүнэн көмөлөһөн турар.

Сиһилии – «Якутия.Инфо» порталга ааҕыҥ