Хампаанньа 5 сылын Роспироднадзор тэрийэн ыытар бырайыагын партнера буолар. Бириэмийэ сыл ахсын ыытыллар уонна доруобуйа харыстабылыгар, тулалыыр эйгэҕэ сыһыаннаах интэриэһинэй бырайыактарга, көҕүлээһиннэргэ ананар.
Куонкуруска кыттыыга сайаапка хомуура саҕаланна уонна 2026 сыл муус устар 1 күнүгэр диэри салҕанар. Күрэххэ Россия уонна атын дойду оҕолоро кыттыахтарын сөп. Кыттааччылар видеонан, хаартысканан, араас анимационнай айар үлэлэрин ыыталлара ирдэнэр. Проекка 13 номинация баар - биирдиилээн уонна хамаанданан үлэлэр киирэллэр. Түмүк 2026 сыл бүтэһигэр тахсар.
Бу бириэмийэ тэриллэн ыытыллыаҕыттан экология, айылҕа харыстабылыгар 95 араас дойдуттан, Россия регионнарыттан 320 тыһыынча кэриҥэ оҕо уонна улахан дьон биир сомоҕо буолла. 150-тан тахса Россия үрдүк үөрэҕин кыһалара бүддьүөт миэстэтигэр киирэллэригэр кыайыылахтарга эбии бааллары биэрэллэр. Сыл аайы сүүһүнэн кытааччы оҕо бүтүн дойдутааҕы оҕо кииннэригэр, Хара муораҕа «Орленок», Японскай муораҕа «Океан» уонна Байкалга чинчийэр лааҕырдарга сынньаналлар. Онтон кыайыылаах дьиэ кэргэттэр Сочи куоракка «Жемчужина» Гранд-отельга сынньалаҥ путевкатын ылаллар.