Хампаанньа «Коломенское» ураты харыстанар музей сиригэр ыытыллыбыт ыһыах тэрээһинигэр харчынан өйөбүл оҥорон кыттыыны ылла.
Дойду киинигэр, Москва куоракка, ыытыллар ыһыах саха дьонун түмэр, норуот култууратын киэҥ эйгэҕэ көрдөрүүгэ улахан суолталаах. Москва ыһыаҕа сыл аайы ыытыллар уонна куорат култуурунай былааныгар киирэн күүтүүлээх тэрээһин буолар.
Быйылгы ыһыах программата икки улахан суолталаах көҕүлээһиннэри бииргэ түмтэ: Арассыыйаҕа норуоттар доҕордоһууларын сыла уонна Саха Өрөспүүбүлүкэтигэр култуура сыла. Бырааһынньык ыалдьыттара үтүө үгэс буолбут алгыс түһүлгэтигэр кыттыыны ыллылар, мас тардыһыы күрэҕин көрдүлэр уонна оһуохайы оройуттан туттулар.
Коломенскайга бу күн саха норуотун олоҕун-дьаһаҕын көрдөрөр быыстапка турда, кэлбит ыалдьыттар саха төрүт астарын боруобалаатылар, сахалыы сувенирдары, киэргэллэри көрдүлэр. Төрүт үгэс быһыытынан биллэр дьарыктарга арааһынай маастар кылаастар буоллулар. Кэнсиэртиир былассаакка эмиэ дьонунан туолла. Ыалдьыттар Саха сирин айар кэллэктииптэрин кэнсиэрин көрөн дуоһуйдулар, хомус алыптаах дорҕоонун истэн астыннылар.
«РНГ» АУо хотугу норуот олоҕун-дьаһаҕын, остуоруйатын көрдөрөр тэрээһиннэргэ мэлдьи кыттыыны ылар, өйөбүл буолар. Арассыыйа Федерациятын Президенин иһинэн үлэлиир Саха Өрөспүүбүлүкэтин бастайааннай бэрэстэбиитилистибэтэ хампаанньа салалтатыгар саха төрүт бырааһынньыгын, ыһыах тэрээһинин, өйөөбүтүн иһин улахан махталын тиэртэ.
