Хампаанньа Краснодарга ыытыллыахтаах күрэхтэһиигэ бэлэмнэнии сүүмэрдээһинигэр уонна таҥаһынан, анал экипировканан хааччыйыыга харчынан көмөлөстө.
Юниордарга боксаҕа Арассыыйа күрэҕэ Кубань киин куоратыгар түмүктэннэ. Мииринэй спортсменнара киирсиилэргэ үрдүк таһымнаах бэлэми уонна бастыҥ маастарыстыбаны көрдөрдүлэр.
Мииринэйдэр күрэхтэһиигэ 3 ыйааһыҥҥа кыттыыны ыллылар: 51 кг, 57 кг уонна 75 кг. 75 киилэҕэ бастыҥынан Данил Прокудин ааттанна. Спортсмен икки киирсиини кыайан финал чиэппэригэр тахсары ситистэ, уонна бастакы миэстэни ылбыт уолга эрэ хоттордо.
Мииринэй оройуонун боксаҕа Федерациятын бэрэссэдээтэлэ Александр Сигаенко хампаанньаҕа хамаанданы бэлэмнээһиҥҥэ көмөтүн иһин махталын биллэрдэ уонна республикаҕа спорт сайдыытыгар үлэлиир программаларга социальнай эппиэтинэстээх бизнес буоларын быһыытынан оҥорор кылаатын үрдүктүк сыаналаата.
«РНГ» АУо Саха сиригэр спорт сайдыытын өрө тутан араас таһымнаах тэрээһиннэргэ мэлдьи көмө буолар.
