Российскай Федерация Транспортка Министиэристибэтин иһинэн үлэлиир тимир суол тырааныспарын Федеральнай Агенствота Усть-Кут бөһүөлэгэр үлэлиир ыскылаат баазатыгар тимир суол улахан туонналаах контейнердарын тиэйиигэ-таһыыга көҥүл ылла.
Орто Ботуобуйатааҕы ниэп, гаас, гаас конденсата хостонор сирин Илин блога (ВБ СБ НГКМ) үлэҕэ киириэҕиттэн ниэп хостонуутун көрдөрүүтэ 3 мөлүйүөн туоннаҕа тиийдэ.
Хампаанньа геологическэй чинчийии ньымаларын тупсарар, сири хастарыы көдьүүстээхтик ыытылларын ситиһэр, оҥорон таһаарыы хас биирдии түһүмэҕэр цифровой технологиялары туһанар, аан дойду таһымнаах ниэп хампаанньаларын кытары бииргэ үлэлэһэр, былааннаахтык оҥорон таһаарыы күүһүн кэҥэтэр.
Борис Эйфман салалтатынан Санкт-Петербургтааҕы государственнай академическэй балет тыйаатыра Ф.М. Достоевскай «Братья Карамазовы» романыгар олоҕурбут, киэҥник биллибит «По ту сторону греха» диэн испиктээкилинэн гастролларын түмүктээтэ. Тыйаатыр Ураллааҕы федеральнай уокурукка уонна Пермскай кыраайга сырытта.
Челябинскай, Екатеринбург, Тюмень, Пермь куораттарыгар 4,5 тыһыынча кэриҥэ олохтоох испиктээкилгэ сырытта.
Хампаанньа аан дойду таһымнаах тэрилтэлэри уонна ассоциациялары кытары биир ситимнээх үлэтин салгыы ыытар.
«РНГ» АУо олоххо киллэрэр бырайыактара ситиһиилээхтэр уонна хампаанньа улахан уопуттаах буолан бэйэтин экспертизатын атын хампаанньалары кытары үллэстэргэ бэлэмин биллэрэр.
Саха Сиригэр Өлүөнэ өрүскэ быйылгы сыллааҕы навигация үлэтэ түмүктэннэ. Навигация кэмигэр «РНГ Снабжение» ХЭТ өрүс суолунан таһаҕаһы тиэйиитин көрдөрүүтэ 16.6 тыһыынча туоннаҕа тэҥнэстэ, инньэ гынан былаан туолуута 110 % буолла.
Киэҥ нэлэмэн, модун күүстээх дойдубут дьонун-сэргэтин сомо5олоһуу күнүнэн итиитик-истиҥник эҕэрдэлиибит! Дойду олохтоохторун өрүү биир санаа, биир сыал, биир күүс ситимниир. Дьиэ кэргэнҥитигэр дьолу-соргуну, доруобуйаны ба5арабыт!
«Бүлүү» федеральнай айан суолун А-331 учаастагар суоллары тутуу тус сыаллаах программа чэрчитинэн «РНГ» АУо хампаанньа бөлөҕө саҥа асфальт бүрүөһүнүн ууран 10 км усталаах саҥа суолу үлэҕэ киллэрдэ. Төһө да хамсык ыарыыта бүрүүкээн турдар үлэ болдьоҕор түмүктэннэ.
Саҥа бүрүөһүннээх суол учаастага Ленскэй уонна Мииринэй куораттарын икки ардыгар тутулунна. Үлэни «Бүлүү» федеральнай айан суолун салалтатын бэрэстэбиитэллэрэ, итиэннэ Мииринэйдээҕи айан суолларын салалтата тутта.
Хампаанньа салалтата 2021/22 үөрэх сылыгар Россиятааҕы экономическэй оскуоланы (РЭШ) өйүүр үлэтин салгыы ыытарын туһунан быһаарыныы ылынна.
Үтүөнү оҥоруу тус сыаллаах тосхол 2020 сыл балаҕан ыйыттан үлэтин саҕалаабыта. Программаҕа үөрэх граннара, регионннартан кэлэр устудьуоннары өйүүр барыллар, үөрэх кыһатын чинчийэр үлэтин көҕүлээһин тиһиктэрэ киирэллэр.
Икки өрүттээх өр кэмнээх сөбүлэҥ докумуонугар илии баттастылар.
Бииргэ үлэлэһии сөбүлэҥэ Саха сирин территориятыгар, ону тэҥэ бүттүүн дойду үрдүнэн «Якутия вдохновляет» диэн анал программа иитинэн ыытыллар культурнай хабааннаах бырайыактары өйөөһүҥҥэ олоҕурар. Маны сэргэ, араас норуоттары кытта биир ситими тутар, сайыннарар пуонда көҕүлээһиннэрэ өйөбүлү ылыахтара.
Мииринэйдээ5и балыксыттар уонна булчуттар уопсастыбаларыгар хампаанньа тиэхиньикэнэн уонна саппаас чааһынан көмөлөстө.
Бииргэ үлэлэһии сөбүлэҥин докумуонугар олоҕуран хампаанньа «Сибирские вездеходы» марка хаарга, бадарааҥҥа сылдьар техникаларын атыылаһан биэрдэ, маны сэргэ, «ТРЭКОЛ» вездеходка саппаас чааһынан көмөлөстө. Көмө уопсай сууммата 3 мөлүйүөн солкуобайга тэҥнэстэ. Техникалар, хампаанньа бэйэ логистическэй салаалаах буолан, номнуо алтынньы ыйга кэлэллэрэ былааннанар.
Болҕойун! Сонуну маассабайдык тарҕатар тэрилтэлэртэн эрэ киирбит иһитиннэриилэри көрөбүт.